لعشاق الحلويات العصرية بالتفاصيل والخطوات الدقيقة

المقادير 

1/2 كغ دقيق

2 م ك زبدة

2 م ك عسل

4 م ك زيت

ملح

تجمع بماء الزهر 

بالنسبة لعقدة اللوز

بالنسبة للوز الكمية تطحن مع 1/2 الكمية سكر (يعني الى درنا كيلو لوز نديرو معاه نصف كيلو سكر) نضيف شوية د الزبدة و شوية ماء زهر و نجمعوه

طريقة التحضير 

نسرحو العجين و نقطعوه بهاد المرشم على شكل قلب

نفس الشيء بالنسبة للوز

نأخذ قلبين من العجين و نحطو بداخلهم قلب من اللوز و نلصقو بأبيض البيض

نلون شوية د العجين باللون الأبيض و شوية باللون الوردي

نقطع أشرطة من اللون الأبيض 

و قليبات صغار من اللون الوردي

نأخذ حبة الحلوى

نثبت الأشرطة بأبيض البيض

و القليبات الصغار

نضع ثقب صغير وسط القلب ونتركها ليلة كاملة

و ندخلوها تطيب و ندهنوها بالناباج و نزين بالعقيق الفضي

ممكن نغيرو الألوان وبالصحة والراحة